Cadena de sant’Antonio (novo)

ottobre 2009

ATENZION!!!!

QUESTA NO XE UNA SEMPLICE CADENA DE SANT’ANTONIO! XE LA CADENA DE SANT’ANTONIO NOVO: L’UNICA CADENA ORIGINALE TRIESTINA!!!!

La cadena de Sant’Antonio novo comincia con una rara e antica perla de saggezza triestina: “Viva là e po’ bon, xe questo el moto triestin, che la vada ben, che la vadi mal, sempre alegri mai pasion, viva là e po’ bon!”
Se te seguirà i detami de sta saggia canzon triestina te sarà sempre alegro, anche se tuto te va storto:

  • te sarà felice anche se te vivi in un logo dove che l’età media dei abitanti xe la più alta del MONDO (e nota ben che i nostri veci xe più rompicojoni della media dei veci) dunque te abiti nela città che ga el numero più alto de rompicojoni al mondo;
  • no te ghe penserà su se te paghi l’IMU più alta de qualsiasi altra città, tanto xe sempre el teran;
  • no te ghe farà caso se el comun spendi un saco de bori per spostar i monumenti patriotici e per ciamar le adunate dei caramba e dell’esercito e inveze ghe taia i fondi ale coperative asistenziali (comprese quele che se ocupa dei veci!!!)

Alora se te seguirà el bon e vecio consiglio del “Viva là e po’ bon” la tristeza va via e ti te torn alegro e impiombà. Questa antica perla de sageza triestina porta sai fortuna: ga za fato 8 volte el giro dei rioni, la Bavisela e la Barcolana, Dopo la se ga roto i cojoni e la xe andada in osmiza.

Mandighelo a tuti quei che te conossi, specie se i xe tristi o astemi. (considerando che Trieste xe picia za al secondo girò de posta lo gaverà ciapà tuti!!)
Manda solo l’antica perla de sageza triestina: no mandar soldi, perché sete li metti nel drive dei CD-rom se spaca el computer.
Se te lo fa te gaverà za un esempio de che sfiga che porta se no te fa come che disi la cadena de Sant’Antonio novo!
No tegnir sta mail per più de 96 ore, se no la va de mal e la comincia a spuzar de freschin.

Alcuni esempi de cossa xe nato a gente che ga ciapà sta cadena:

Ciano ga ricevù la letera el ghe ga dito alla sua segretaria de far 20 copie, ma dopo el se ga dimenticà. La segretaria se ga ripresentà dopo un poco con le copie completamente nuda, ma lui nel fratempo iera za tornà a casa e la segretaria xe andada a trombar col socio de Ciano. El socio de Ciano ga ricevù una fotocopia della perla de sageza triestina dalla segretaria de Ciano che ghe la ga portada compeamente nuda! Nol ga fato copie perché el gaveva quele che ela gaveva za preparà per Ciano. Pensa ti che cul che porta far le copie dela cadena de Sant’Antonio novo!!!!
Fulvio ga ricevù la letera e ga vinto 9 milioni de marchi nel maggio del 2002. Però nol ga mandà avanti la cadena e sicome adesso xe i euri la vincita no val più un cazzo.
Caio, che fazeva el consulente finanziario per la Microsoft e per un paio de emiri del Kuwait, gà ricevù sta letera ma el se ga dimenticà demandarla avanti e el ga perso el lavor. Un per de giorni dopo el se ga ricordà dela perla de sageza triestina, el la ga mandada a tuti quei che el conoseva continuando la catena e el ga de novo trovà lavor (come affossator a Sant’Ana).
Stelio, un autista del ACT, ga ciapà sta lettera e ridendo el la ga butada in scovaze. Qualche giorno dopo suo fio se ga malà. Alora Stelio ga zercà la letera el ga fato 20 copie e el le ga spedide. Qualche giorno dopo el ga savù che su fio iera guarì: l’influenza de solito passa presto.
La lettera xe stata ricevuda anche de John, un giovane californian analfabeta che ga notà che la iera illeggibile. El se ga ripromesso de imparar a leggere per capir cossa che iera scrito, e quando finalmente el ga imparà a leger el ga visto che iera piena de cazade e anche per quel che se legi sui giornai iera meio restar analfabeta.
Toio ga ricevù la letera e el ga trovà un babon galattico che g’aveva due tette strepitose, iera cocola, trombava che iera un piazer, la iera disponibile a rapporti anal, orali, sadomaso e in gruppo (tute babe a parte Toio), la ghe cusiva, stirava e preparava el pranzo. Ma el se ga dimenticà de mandar copie ai amici e el ga scoperto che la iera furlana.
Craxi ga ricevù la perla de sageza triestina e el xe diventà presidente del consiglio. Ma Martelli ghe ga imbusà l’originale e cussì nol ga spedì un cazzo. Dopo bastanza anni xe saltà fora Di Pietro e Mani Pulite e Craxi xe morto a Hammamet.
Illy ga ciapà la lettera e el ga mandà avanti le copie e el xe diventà sindaco. Dipiazza xe diventà sindaco perché mi me son dimenticà de mandar avanti le copie. Grilz ga dimenticà de mandar la letera prima de partir per el Mozambico e el xe morto. Ma dopo Menia la ga trovada, el la ga mandada in 20 copie e i ghe ga intitolà la via (a Grilz).
Comunque se te mandi avanti almeno 20 copie de sta cadena a Scoccimarro ghe vegnerà scagarela cronica.

Annunci
Questa voce è stata pubblicata in Roba vecchia e contrassegnata con , , . Contrassegna il permalink.

Che ne pensi?

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...